Elordada 4 myń lıtrden astam dızel otynyn zańsyz satý dereginiń joly kesildi
Munaı jáne munaı ónimderiniń zańsyz aınalymy bul memleket úshin de, azamattar úshin de aıtarlyqtaı zııan keltiretin joǵary tabysty bıznes.
Birinshiden, sapasyz otyn shyǵaryndylarymen lastanǵan qorshaǵan ortaǵa zardap tıedi.
Ekinshiden, memlekettik bıýdjetke munaı kiristeri men alymdary tolyq tólenbeıdi.
Úshinshiden, suıyltylǵan benzın men dızelden qozǵaltqyshtary buzylǵan tutynýshylar úshin problemalar týyndaıdy.
Qarjylyq monıtorıng agenttiginiń Nur-Sultan qalasy boıynsha aýmaqtyq departamenti dızel otynyn zańsyz saqtaý jáne satý deregi boıynsha qylmystyq isti tergeýdi aıaqtady.
Máselen, N.Muqanov 2021 jyldyń qańtar-maýsym aılary aralyǵynda júk kólikteriniń júrgizýshilerinen dızel otynyn naryqtyq baǵadan tómen baǵamen satyp alǵan. Bul rette, olardyń shyǵý teginiń zańdylyǵyn rastaıtyn qujattar bolǵan joq.
Sodan keıin dızel otynyn ilespe júkqujattarsyz jáne basqa qajetti qujattarsyz joǵary baǵamen satyp otyrǵan.
Jedel-izdestirý sharalaryn júrgizý kezinde 4,6 tonna dızel otyny tárkilendi.
N.Muqanov 3 jylǵa shartty túrde bas bostandyǵynan aıyryldy.