Elordada 4 mamyrdan bastap jumysqa kirisetin kásipkerlik sýbektileriniń qyzmet túrleriniń tizimi keńeıtildi
NUR -SULTAN. QazAqparat- Búgin Nur-Sultan qalasy boıynsha karantındik aımaq aýmaǵynda koronavırýstyq ınfektsııanyń taralýyn boldyrmaý jónindegi jedel shtabtyń sheshimi jarııalandy, dep habarlaıdy QazAqparat qala ákiminiń resmı saıtyna silteme jasap.
Koronavırýs ınfektsııasynyń (COVID-19) taralýyna jol bermeý jónindegi sharalar týraly «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańyna, «Qazaqstan Respýblıkasynda tótenshe jaǵdaıdy engizý týraly» Qazaqstan Respýblıkasy Prezıdentiniń 2020 jylǵy 15 naýryzdaǵy №285 Jarlyǵyna, Qazaqstan Respýblıkasy Prezıdenti janyndaǵy tótenshe jaǵdaı rejımin qamtamasyz etý jónindegi memlekettik komıssııanyń a.j. 29 sáýirdegi hattamasyna sáıkes áleýmettik-ekonomıkalyq turaqtylyqty qamtamasyz etý maqsatynda Nur-Sultan qalasy boıynsha karantın aımaǵynyń aýmaǵynda koronavırýstyq ınfektsııanyń taralýyna jol bermeý jónindegi jedel shtab basshysy (budan ári – Shtab) sheshim qabyldady.
Onda 2020 jylǵy 4 mamyrdaǵy saǵat 00:00-den bastap Shtabtyń 2020 jylǵy 28 naýryzdaǵy № 06 sheshimine qosymshada kózdelgen ruqsat etilgen qyzmet túrleriniń tizbesi tolyqtyrylǵan. Atap aıtqanda, saǵat 17:00-ge deıin jumys kestesimen jalpy alańy 500 m² deıin azyq-túliktik emes dúkender (barlyq baǵyttar); shashtarazdar, tigin ateleleri, aıaq kıim sheberhanalary (aldyn ala jazylý boıynsha, zalda 3 klıentten kóp emes bolýy, úı-jaılardy kúndelikti óńdeý); jeke sot oryndaýshylary (aldyn ala jazylý boıynsha); advokattar (aldyn ala jazylý boıynsha); medıtsınalyq ortalyqtar (aldyn ala jazylý boıynsha); stomatologııalyq klınıkalar (aldyn ala jazylý boıynsha); jarnama agenttikteri (aldyn ala jazylý boıynsha); aqparattyq-kommýnıkatsııalyq tehnologııalar kompanııalary jáne tólem termınaldaryna qyzmet kórsetý; fotosalondar jáne gúl dúkenderi; klınıngtik qyzmetter; kóshedegi sport sabaqtary men jattyǵýlar; uıaly telefondardy jóndeý jáne aksessýarlardy satý, kiltterdi, saǵattardy, qulyptardy jáne t. b. jóndeý jáne daıyndaý.
Sondaı- aq karantın men tótenshe jaǵdaıdyń qoldanylý kezeńinde qarjy naryǵynyń sýbektileri qarjy naryǵyn retteý jónindegi ýákiletti organdar shyǵaratyn aktilerge sáıkes qyzmetti júzege asyratyn bolady.
Al 2020 jylǵy 4 mamyrda saǵat 9: 00-den bastap sanıtarlyq-epıdemıologııalyq talaptardy kúsheıtilgen túrde saqtaı otyryp, jumys kúnderi saǵat 09: 00-den 17:00-ge deıin jumys kestesimen tek qana kásipkerlik sýbektilerine qyzmet kórsetý úshin Máńgilik El dańǵyly, № 30 («Esil» aýdanynyń №1 bólimi) mekenjaıy jáne tek qana avtosalondar úshin qyzmetter kórsetý úshin 20-40 k-si, № 2 (Mamandandyrylǵan bólim) mekenjaıy boıynsha ornalasqan «Azamattarǵa arnalǵan úkimet» memlekettik korporatsııasy» KEAQ Halyqqa qyzmet kórsetý ortalyqtarynyń jumysy qaıta bastalady. Shtabtyń 2020 jylǵy 28 naýryzdaǵy № 06 sheshimine qosymshada kórsetilgen uıymdar men kásiporyndar úshin joǵaryda atalǵan jáne ruqsat etilgen qyzmet túrlerin qospaǵanda, qyzmettiń barlyq ózge de túrleri karantın jáne tótenshe jaǵdaıdyń qoldanylý kezeńinde toqtatylǵan túrinde qalady.
Eske sala ketsek, buǵan deıin bıylǵy 4 mamyrdan bastap barlyq óńirlerde jumysqa kirisetin kásipkerlik sýbektileriniń qyzmet túrleriniń tizimi bekitilgen bolatyn.
