Elordada 4 kúnniń ishinde qaraýsyz 40-qa jýyq bala beıimdeý ortalyǵyna jetkizildi
ASTANA. QazAqparat - 28 shilde men 3 tamyz aralyǵynda elordalyq polıtseıler qala aýmaǵynda «Túngi qaladaǵy balalar» respýblıkalyq jedel aldyn alý sharasyn júrgizýde, dep habarlady Astana qalalyq ІІD baspasóz qyzmetinen.
«Aktsııanyń tórtkúndik qorytyndysynda túrli ákimshilik quqyq buzǵany, atap aıtqanda, túngi ýaqytta úlkenderdiń qaraýynsyz syrtta júrgeni, tynyshtyq buzyp, spırttik ishimdikter ishkeni, sonymen birge qaraýsyz ári qadaǵalaýsyz bolǵany úshin ishki ister organdaryna 118 jasóspirim jetkizildi, onyń 99-y kámelettk jasqa tolmaǵan», - delingen habarlamada.
Vedomstvonyń aqparatyna qaraǵanda, 32 jasóspirim, 86 ata-ana men zańdy ókil ata-ana mindetterin durys atqarmaǵany úshin ákimshilik jaýapkershilikke tartyldy. «Astana qalalyq bilim basqarmasy kámeletke tolmaǵandardy beıimdeý ortalyǵyna» qaraýsyz 37 bala ornalastyryldy. Sondaı-aq 8 otbasy ishki ister bólimshelerine esepke alyndy.
