Elordada 4-qabattaǵy páterdiń terezesinde turǵan 2 búldirshin qutqaryldy
NUR-SULTAN. QazAqparat - Nur-Sultan qalalyq TJD qyzmetkerleri ata-anasynyń qaraýynsyz qalǵannan keıin terezege shyǵyp ketken balalardy qutqardy, dep habarlaıdy QazAqparat Polisia.kz portalyna silteme jasap.
4 shilde kúni Polıtsııa departamentinii jedel basqarý ortalyǵyna 4-qabattaǵy páterlerdiń biriniń terezesine bala turǵany jáne onyń qulap ketý qaýpi bar ekendigi týraly habarlama túsken. Saǵat 18-04-de Nur-Sultan qalalyq TJD bólimshesine Kúıshi Dına 30 mekenjaıy boıynsha shaqyrtý túsken jerge jedel attanǵan. Oqıǵa ornyna jetken qutqarýshylar 4-qabatta terezege eki balanyń shyǵyp turǵanyn anyqtaǵan. Osydan keıin avtosatynyń kómegimen 10-shy órt sóndirý bóliminiń aǵa órt sóndirýshisi R. Kúbetov polıtsııa qyzmetkerlerimen birge joǵary kóterilip, balalardy páter ishine kirgizip alǵan.
«Olar páterde úlkenderdiń qaraýynsyz otyrǵan. Mamandardyń jedel ári kásibı áreketteriniń arqasynda 2015 jyly jáne 2018 jyly dúnıege kelgen qyz balalar aman qaldy. Bul - balalardyń qutqarylyp, qaıǵyly jaıt oryn almaǵan oqıǵalardyń biri. Nur-Sultan qalalyq TJD balalardy úlkenderdiń qaraýynsyz qaldyrmaýdy eskertedi», - delingen taratylǵan aqparatta.
