Elordada 4-10 maýsym aralyǵynda qandaı mádenı sharalar ótedi
ASTANA. QazAqparat - Astana qalasy ákimdiginiń resmı saıtynda 4-10 maýsym aralyǵynda ótetin mádenı sharalar kestesi jarııalandy.
Qala turǵyndary men qonaqtary 4 maýsymnan 10 maýsymǵa deıin saǵat 10.00-18.00 aralyǵynda Táýelsizdik saraıynda «Uly dala murasy» qoldanbaly óner kórmesi, «Qazaqstandyq sýretshileriniń shyǵarmalary» atty kórmesi, Astana qalasynyń jastar birlestigimen birge uıymdastyrylǵan kórkem kórmesi, Sýretshi Ómirbek Tleýlıevtiń jeke kórkem kórmesi, S. Músirepovtyń «Jańa bastaý» atty jeke kórmesin, Qazaqstan Respýblıkasynyń rámizderi kúnine arnalǵan «Sımvoly sýverennogo Kazahstana» kórmesin tamashalaı alady.
4, 6, 7, 8 maýsym kúnderi saǵat 10:00-de «Jastar» saraıynda «Prazdnık neposlýshanııa» mýzykalyq ertegisi qoıylady.
4-10 maýsym kúnderi jumys kúnderi saǵat 14:00-18.00 aralyǵynda, demalys kúnderi saǵat 12.00-16.00 aralyǵynda «Astanalyq», «Jeruıyq», «Stýdenttik», «Prezıdenttik» saıabaqtardaǵy sporttyq baǵdarlaý boıynsha Qazaqstan Respýblıkasynyń chempıonaty ótedi. Sonymen qatar, 4 maýsym - 9 qyrkúıekte saǵat 10.00-17.00 aralyǵynda Astana qalasy saıabaqtarynda «Fitness Park Astana» baǵdarlamasy boıynsha sporttyq is-sharalar ótedi.
4 maýsymda saǵat 18:00-de «Astana» kontsert zalynyń alańynda Qazaqstan Respýblıkasynyń rámizderi kúnine arnalǵan sımfonııalyq orkestr men klassıkalyq vokal bóliminiń kontserti, 8 maýsym saǵat 18.00-de «Astanaǵa - 20 jyl» ánder toptamasynan kameralyq hor men klassıka vokal oryndaýshylardyń kontserti, 9 maýsym saǵat 17.00-de «Astanaǵa - 20 jyl» kontsertter toptamasynan «Shalqyma» halyq bı ansambli jáne halyq ánder bóliminiń kontserti ótedi.
6 maýsym saǵat 19:00-de Beıbitshilik jáne Kelisim saraıynda «Týǵan el - meniń tumarym» kontserti ótedi.
7-8 maýsym saǵat 19:00-de Q. Qýanyshbaev atyndaǵy memlekettik akademııalyq qazaq mýzykalyq drama teatrynda K. Kızı «Shyrmaýyq» psıhologııalyq dramasyn tamashalaı alasyzdar.
7 maýsym saǵat 19:00-de «Astana Opera» teatrynda «Mýzykalnye dıalogı» kontserti (kameralyq zal) ótedi.
7 maýsym saǵat 19:00-de «Qazaqstan» ortalyq kontsert zalynda «Sálem saǵan, Astana!» atty Altynbek Qorazbaevtyń shyǵarmashylyq keshi ótedi.
9 maýsym saǵat 10:00-de № 24 orta mektepte asyq atýdan 2002-2004 jylǵy jasóspirimder arasyndaǵy Astana qalasynyń chempıonaty ótedi.
9 maýsym saǵat 18:00-de «Barys Arena» KMS «Denıs ı drýzıa. 20 let Astane» muz aıdyny shoýyna shaqyrady.
10 maýsym saǵat 18:30-de Beıbitshilik jáne Kelisim saraıynda «Tamashanyń Qudaıbergeni» atty Qudaıbergen Sultanbaevty eske alý keshi ótedi.
