Elordada 351 ret ereje buzǵan kólik júrgizýshisine iri kólemde aıyppul salyndy
NUR-SULTAN. QazAqparat – Nur-Sultan qalalyq polıtsııa departamentiniń qyzmetkerleri 351 ret ereje buzǵan kólik júrgizýshisin ustady. Ustalǵan jigit Qyrǵyz Respýblıkasynyń azamaty bolyp shyqty, dep habarlaıdy QazAqparat tilshisi
«Esil aýdandyq Polıtsııa basqarmasyna taksı júrgizshileriniń biri júginip, Turan dańǵylynyń boıymen «Sýbarý Oýtbak» markaly avtokóliktiń kúnde jol erejesin óreskel buzatynyn habarlady. Polıtsııa qyzmetkerleri tergeýdi bastap, atalmysh kólikti júrgizgen Qyrǵyzstan azamatyn ustady. «Sergek» kameralaryn zertteý barysynda onyń jol júrý erejesin 351 ret buzǵany anyqtaldy. Ol 77 ret qoǵamdyq kóliktiń jolyna shyǵyp ketse, 274 ret jyldamdyq rejımin arttyrǵan. Qala ishinde keıde saǵatyna 142 shaqyrymmen júrgen. Júrgizýshige jalpy somasy 7 mln teńge aıyppul salyndy», - dep habarlaıdy qalalyq polıtsııa departamentinen.
«Sýbarý Oýtbak» markaly avtokólik kommýnaldyq turaqqa qoıylǵan. Sebebi standartqa saı kelmeıtin báseńdetkishti qoıyp, ol jigit avtokóligin qaıta qurylymdap alǵan. Búgin polıtsııa qyzmetkerleri «Joldaǵy qabyldaý» respýblıkalyq aktsııasyn aıaqtaıdy. Saǵat 19.00-ge deıin polıtsııa qyzmetkerleri arnaıy jasaqtalǵan avtobýstar arqyly halyqty qabyldaıdy», - delingen habarlamada.
