Elordada 35 jastaǵy shetel azamaty ózin pyshaqpen jaralady
NUR-SULTAN. QazAqparat - Elordadaǵy saýda jáne oıyn-saýyq ortalyqtarynyń birinde qolyna pyshaq ustaǵan er adam jurttyń záre-qutyn qashyrdy, dep habarlaıdy QazAqparat Polisia.kz resýrsyna silteme jasap.
Áleýmettik jelide er adamnyń pyshaqpen ózin jaralaǵany beınelengen vıdeo tarady.
Búgin 18:28-de 102 qyzmetine Mega Silk Way saýda ortalyǵynda 1985 jyly týǵan Túrkııa azamatynyń mas kúıinde ózin jaralaǵany týraly habar kelip túsken. Ol bileginiń birneshe jerinen pyshaqpen keskilegen. Janyndaǵy adamdar jabylyp jatyp, erkektiń qolyndaǵy pyshaǵyn tartyp aldy. Sóıtip basqa kelýshilerge qaýip tónbedi.
Tártip buzǵan azamatqa medıtsınalyq kómek kórsetildi.
Qazirgi tańda ol QR zańnamasyna sáıkes jaýapkershilikke tartyldy. Odan bólek, sheteldikti elden shyǵarý máselesi qaralyp jatyr.
Elordalyq polıtsııa departamentiniń basshylyǵy halyqqa qaýip tóndirgen azamatqa qarsy turyp, belsendi azamattyq pozıtsııasyn kórsete bilgen astanalyqtarǵa alǵys aıtady.
