Elordada 35 myń tekshe metrden astam sý soryldy
ASTANA. QazAqparat - Búgin Astanada qalyń jańbyr jaýyp, kún kúrkiredi. 25 mınýttyń ishinde 8 mm (aılyq norma 49 mm) jaýyn-shashyn tústi. Qalalyq kommýnaldyq qyzmetter kúsheıtilgen rejımde jumys istep jatyr.
Jalpy alǵanda, elorda kóshelerin tazartýǵa 90 mamandandyrylǵan tehnıka men eki sorǵy stantsııasy tartyldy. Júrgizilgen jumystardyń nátıjesinde 35 myń tekshe metrden astam sý soryldy. Bul rette eki saǵattyń ishinde 17 myń tekshe metr sý jedel túrde joıyldy. Qalalyq kommýnaldyq qyzmetter kúsheıtilgen rejımde jumys isteýin jalǵastyrady, dep habarlaıdy qalalyq ákimdiktiń baspasóz qyzmeti.
Sınoptıkterdiń boljamynsha, erteń, 7 shildede kún jaýyn-shashynsyz bolady. Kúndiz aýa temperatýrasy +27°S deıin kóteriledi, túnde synap baǵanasy +16°S kórsetedi.
