Elordada 35 gradýs ystyq bolady
NUR-SULTAN. QazAqparat – Sınoptıkter aýa raıynyń qolaısyzdyǵyna baılanysty elordada eskertý jarııalady, dep habarlaıdy QazAqparat.
«Nur-Sultan qalalyq Tótenshe jaǵdaılar departamenti «Qazgıdromet» RMK málimetine súıenip habarlaıdy: 1 tamyz kúni naızaǵaı oınap, kúndiz daýyl kútiledi. Ońtústik-batystan, ońtústikten jel soǵady, kúndiz onyń ekpini 15-20 m/s bolady. Sondaı-aq kúndiz 35 gradýs qatty ystyq boljanady», - delingen «ІKomek» biryńǵaı baılanys ortalyǵy taratqan aqparatta.
Aıta keteıik, buǵan deıin Shyǵys Qazaqstan, Qyzylorda, Qostanaı oblystarynda da eskertý jarııalanǵan bolatyn.
