Elordada 34 tehnıkalyq jáne kásiptik bilim berý kolledji bar
ASTANA. QazAqparat - Elordada 34 tehnıkalyq jáne kásiptik bilim berý kolledji bar. Bul týraly búgin «Kásiptik bilim jáne bıznes: seriktester suhbaty» atty V halalyq forýmda Astana qalalyq bilim berý basqarmasynyń bastyǵy Elmıra Sýhanberdıeva málim etti.
«Búgingi tańda Astanada kásiptik jáne tehnıkalyq bilim beretin 34 mekeme jumys isteıdi. Onyń 12-si memlekettik, al 22-si memlekettik emes bilim berý mekemesi. Olarda myńnan astam adam bilim alýda», - dedi basqarma basshysy.
E.Sýhanberdıevanyń sózine qaraǵanda, joǵaryda atalǵan barlyq bilim berý mekemeleri respýblıkanyń odan ary ınnovatsııalyq turǵyda damýyna jáne elimizdiń 2050 jylǵa deıingi damý strategııasyn júzege asyrýǵa qajetti mamandardy daıyndaý isine óz úlesterin qosýda.
Aıta keterligi, forýmnyń negizgi maqsaty yntymaqtastyq týraly jańa kelisimder, kelisimsharttar men memorandýmdar jasasý, bilim berý mekemeleri men óndiristik kásiporyndar arasyndaǵy baılanystardy úılestirý, Astana qalasynyń kásiporyndaryn bilikti mamandarmen qamtamasyz etý bolyp otyr. Shara aıasynda kásiptik jáne tehnıkalyq bilim berý salasyndaǵy mekemelerdiń arnaıy kórmesi uıymdastyrylǵan.
