Elordada 34 myńǵa jýyq bala tumaýǵa qarsy ekpe aldy
NUR-SULTAN. QazAqparat - Elordada azamattardy tumaý men JRVI-ge qarsy egý naýqany aıaqtaldy, dep habarlaıdy QazAqparat qala ákimdiginiń saıtyna silteme jasap.
Vaktsınatsııa 7 270 medıtsına qyzmetkerine, 33 789 balaǵa, júktiliktiń ekinshi jáne úshinshi trımestrindegi 6000 júkti áıelge, sozylmaly aýrýlary, júrek-qan tamyrlary jáne tynys alý júıesi aýrýymen aýyratyn 47 281 adam qamtylǵan.
15 qazannan 18 qarashaǵa deıin elordada tumaý men JRVI-ge qarsy turǵyndardy ımmýndaý aktsııasy ótti. Ákimdik jergilikti bıýdjet esebinen 100 myń dana «Grıppol Plıýs» reseılik vaktsınalar satyp aldy. Táýekel tobyna jatatyn elorda turǵyndaryna tirkelgen meken-jaıy boıynsha emhanalardan tegin ekpe jasaldy.
Tumaý vırýsy jótelý nemese túshkirý kezinde juqtyrǵan adamnan aýa tamshylarymen, sondaı-aq qarapaıym zattarmen (esik tutqalary, lıft túımeleri, avtobýstyń tutqalary, qaǵaz aqsha, qol sómkeleri arqyly) ońaı juǵatynyn aıta ketken jón.
