Elordada 34 qabatty úıge baspaldaqpen júgirip shyǵýdan jarys ótedi
ASTANA. QazAqparat - 9 qyrkúıek kúni Astanada Highvill Skyrunning sharasy ótedi. Ereje boıynsha qatysýshylar 34 qabatty turǵyn úıdiń eń bıik núktesine baspaldaq arqyly júgirip shyǵýy tıis, dep habarlaıdy QazAqparat «Habar 24» telearnasyna silteme jasap.
Atap ótilgendeı, jarysta er azamattarmen qatar názik jandylar da baq synaıdy. Oq boıy ozyp shyqqan jeńimpazdarǵa qarjylaı marapat tabystalady. Bıylǵy dodaǵa qatysýǵa 300-den astam adam ótinish bildirgen. Olardyń qatarynda elorda turǵyndarynan bólek Pavlodar, Qostanaı, Kókshetaý, Oral jáne Petropavl turǵyndary bar.
Bıyl uıymdastyrýshylar baǵdarlamany azdap qıyndatqan - 34-inshi qabatqa júgirip shyǵýdan bólek, 100 metrlik dıstantsııa qosyldy. 51-den 60 jasqa deıingi erlerge arnalǵan sańa kategorııa da engizildi. Jáne alǵash ret jarysqa qatysý aqyly boldy. Túsken qarajattyń barlyǵy qaıyrymdylyqqa jumsalmaq.
«Bizdiń ujym mundaı sharalarǵa árdaıym belsendi qatysyp keledi. Sondyqtan bıyl men de osy dodada baq synaýǵa bel býdym. Óz múmkindikterimizdi ǵana tekserip qoımaı, qaıyrymdylyq sharasy retinde kishkentaı búldirshinderge kómek kórsetemiz», - dedi sharaǵa qatysýshy Danııar Ahmetov.
Sporttyq shara elordada ekinshi márte ótkizilip jatyr. Basty maqsat - turǵyndar arasynda salaýatty ómir saltyn nasıhattaý jáne sportqa degen qyzyǵýshylyqty arttyrý.
Aldaǵy ýaqytta bul jarys jańadan boı kótergen «Haıvıl Esil» turǵyn úı kesheninde ótkizilýi múmkin.
