Elordada 330 myńnan astam turǵyn skrınıngten ótti

NUR-SULTAN. QazAqparat – Elordada 2021 jyly 334 myńnan astam adam skrınıngtik zertteýden ótti. Bul 18,5 myń adamnyń túrli aýrýyn anyqtaýǵa múmkindik berdi, dep habarlaıdy QazAqparat qala ákimdiginiń resmı saıtyna silteme jasap.

Elordanyń qoǵamdyq densaýlyq saqtaý basqarmasy 2021 jyly atqarylǵan sharýalar týraly aıtyp, emdeý-profılaktıkalyq is-sharalary týraly túsindirdi. Sonymen qatar medıtsınalyq uıymdardaǵy osy baǵytta júrgizilip jatqan jumystarǵa baǵa berdi.

«2021 jyldyń qorytyndysy boıynsha elordada ótken jylmen salystyrǵanda qaterli isiktermen syrqattanýshylyqtyń 9%-ǵa ósýi baıqalady (163,9-dan 180,1-ge deıin). Onkologııalyq aýrýlardy erte anyqtaýdyń mańyzdy kezeńderiniń biri tekserý kabınetteriniń bolýy jáne sapaly jumysy bolyp

sanalady. Kóptegen jekemenshik uıymda áıelder men erlerdi tekseretin kabınetteri joq. Munyń negizgi sebepteri – tekserý kabınetterin ashý úshin atalǵan uıymdarda tıisti oryndardyń bolmaýy, sondaı-aq memlekettik emes uıymdar basshylary tarapynan tapsyrmalardyń oryndalmaýy», - dep atap ótti

basqarma basshysynyń orynbasary Álııa Rústemova.

Vedomstvo qala turǵyndary arasynda qan aınalymy júıesi aýrýlarymen syrqattaný azaıǵanyn habarlady. Bul kórsetkish ótken jylmen salystyrǵanda 15%-ǵa tómendedi jáne 100 myń turǵynǵa shaqqanda 2020 jylmen (3223,4)

salystyrǵanda 2736,7-ni qurady.

Osylaısha MSAK deńgeıinde aýrýlardy anyqtaý boıynsha jumysty bir jolǵa qoıý, anyqtalǵan patsıentterdi esepke alý jáne olarǵa dınamıkalyq

baqylaý júrgizý tapsyryldy.