Elordada 320 mıgrant el zańnamasyn buzǵan

NUR-SULTAN. QazAqparat – Bıylǵy jyl basynan Nur-Sultan qalasynda Qazaqstan zańnamasyn buzǵan 320 sheteldik azamat anyqtaldy, dep habarlaıdy QazAqparat.

«Polıtseıler sheteldikterdiń elorda aýmaǵynda bolýyna qadaǵalaý júrgizedi. Qala aýmaǵynda zańsyz mıgranttar men zańnama talaptaryn buzǵandardy anyqtaý boıynsha reıdter júıeli túrde ótkizilip turady.

«2021 jyldyń basynan beri shetel azamattarynyń Qazaqstan aýmaǵynda bolýy erejesin buzýdyń túrli faktisi anyqtalyp, 320 sheteldik ákimshilik jaýapkershilikke tartyldy. Sot sheshimimen el aýmaǵynan tasqary 14 shetel azamaty shyǵaryldy», - delingen Polıtsııa departamenti málimetinde.

Shetel azamattaryn shaqyrtyp, olardyń elde bolý erejesin oryndaýyn qamtamasyz etpegen Qazaqstannyń 132 azamaty ákimshilik jaýapkershilikke tartyldy. Jeke basyn anyqtaý úshin 192 shetel azamaty qabyldaý-taratý ornyna jetkizilgen.

Aıta keteıik, 15-19 aqpan aralyǵynda elordada «Mıgrant» jedel-profılaktıkalyq reıdi ótedi.