Elordada 31 jastaǵy mas áıel jol apatyn jasady
NUR-SULTAN. QazAqparat – 13 qazan kúni saǵat 00:58-de Nur-Sultan qalasynda «Toıota» kóligin alkogoldi mas kúıinde júrgizip kele jatqan 31 jastaǵy áıel Respýblıka jáne Abaı dańǵyldarynyń qıylysynda baǵdarshamnyń tyıym salatyn belgisin elemeı, 26 jastaǵy júrgizýshi júrgizgen «Lada» markaly kólikpen soqtyǵysty. Bul týraly QazAqparat Nur-Sultan qalasynyń polıtsııa departamentine cilteme jasap habarlaıdy.
Jol-kólik oqıǵasy saldarynan «Lada» kóliginde otyrǵan 25 jáne 33 jastaǵy jolaýshylar túrli dene jaraqatyn alyp, aýrýhanaǵa jetkizilgen.
Al «Toıotada» otyrǵan 37 jáne 31 jastaǵy jolaýshylar medıtsınalyq kómek kórsetilgen soń úıine jiberildi.
Atalǵan fakti negizinde QR Qylmystyq kodeksiniń 345-baby boıynsha tergeý amaldary júrgizilýde.
Sondaı-aq, sol kúni saǵat 20:21-de «GAZ» markaly kóliktiń 33 jastaǵy júrgizýshisi Qonaev kóshesimen Turan dańǵyly jaqqa qozǵalyp kele jatyp, jol belgisiniń talabyn saqtamaı, «Astana opera» teatrynyń janyndaǵy jaıaý júrginshilerge arnalǵan kópirdiń jaqtaýyna soǵyldy. Jol apaty saldarynan materıaldyq shyǵyn keldi. Zardap shekkender joq.
Júrgizýshige qatysty QR Ákimshilik quqyq buzý kodeksiniń 610-baby boıynsha ákimshilik óndiris qozǵaldy. Materıal protsessýaldyq sheshim qabyldaý úshin Nur-Sultan qalasynyń mamandandyrylǵan aýdanaralyq ákimshilik sotyna jiberildi.
Elordanyń polıtsııa departamenti jol qozǵalysynyń barlyq qatysýshylaryn jol qozǵalysy erejelerin saqtap, jolda muqııat bolýǵa shaqyrady.
