Elordada 31 medıtsına qyzmetkeri koronavırýs juqtyrǵan
NUR-SULTAN. QazAqparat - Elordada 31 medıtsına qyzmetkeri koronavırýs juqtyrǵan. Bul týraly Ortalyq kommýnıkatsııalar qyzmetindegi brıfıngte Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova aıtty, dep habarlaıdy QazAqparat tilshisi.
«Nur-Sultan qalasynda 31 medtsına qyzmetkeri koronavırýs juqtyrǵan. Olar qalalyq medıtsınalyq uıymdardyń, sonymen qatar respýblıkalyq uıymdardyń qyzmetkerleri. Olar negizinen koronavırýs indetin duqtyrǵan patsıentterdi emdeý-dıagnostıkalyq protsesine jumyldyrylǵan. Jaǵdaılary qanaǵattanarlyq, barlyǵy da emhanaǵa jatqyzylǵan. Klınıkalyq hattamaǵa sáıkes em alyp jatyr»,- dedi Sáýle Qısyqova.
