Elordada 30 myńdaı beınebaqylaý kamerasy ornatylady
ASTANA. 17 qańtar. QazAqparat - «Qaýipsiz qala» jobasy aıasynda elordada 30 myńdaı beınebaqylaý kamerasy ornatylady, dep habarlaıdy astana.kz saıtyna «Astana Innovations» AQ basqarma tóraǵasynyń keńesshisi Ildar Hısamýtdınov OKQ saıtyna bergen suhbatyna silteme jasap.
«Qaýipsiz qala» jobasy Astana qalasynyń tynys-tirshilik júıesin bir ortadan basqarý ortalyǵyn qurýdy maqsat etedi. Bul joba aıasynda «Qalalyq operatıvtik basqarý ortalyǵy» dep atalatyn derbes ǵımarat turǵyzý josparlanyp otyr», - dep habarlady I. Hısamýtdınov.
Budan basqa, qala qaýipsizdigin, onyń ishinde jol qozǵalysy qaýipsizdigin qamtamasyz etý maqsatynda 20-30 myńǵa jýyq beınekamera ornatylady. 300 astam jol qıylystary jol qozǵalysy buzylýyn baqylaıtyn júıemen jabdyqtalady. Sonymen qatar, «Qaýipsiz avtobýs» júıesi de engiziledi. ıAǵnı, avtobýstar da beınekameralarmen jaraqtalady. Іlki joba retinde 10 marshrýtpen júretin 10 avtobýsqa osyndaı qurylǵylar ornatyldy», - dedi ol.
