Elordada 30 mamyr men 1 maýsym aralyǵynda qozǵalys ishinara shekteledi
NUR-SULTAN. QazAqparat - Elordada ótetin balalar men jastardyń mýzykalyq orkestrleri men ansamblderiniń sherýine baılanysty 30 mamyr men 1 maýsym aralyǵynda kólik qozǵalysy ishinara shekteledi, dep habarlaıdy astana.kz.
«2019 jyldyń 1 maýsymynda «Qazaq Eli» elimizdiń bas alańynda elorda turǵyndarynyń qatysýymen balalar men jastardyń mýzykalyq orkestrleri men ansamblderiniń sherýi ótedi. Balalar men jasóspirimderdiń shyǵarmashylyq ujymdarynyń sherýine baılanysty 2019 jylǵy 30 mamyr men 1 maýsym kúnderi saǵat 07.00-den 13.00-ge deıin Nur-sultan qalasynda kelesi kósheler boıynsha qozǵalys shekteledi: Táýelsizdik kóshesi men Nájmedenov kóshesinen Baıtursynov kóshesine deıin; Baıtursynov kóshesi men Táýelsizdik kóshesinen Amanjolov kóshesine deıin; Amanjolov kóshesi Baıtursynov kóshesinen Nájmedenov kóshesine deıin; Nájmedenov kóshesi Amanjolov kóshesinen Táýelsizdik kóshesine deıin", - dep málim etti ákimshilik polıtsııa basqarmasy.
