Elordada 30-ǵa jýyq jyly aıaldama ornatylady
NUR-SULTAN. QazAqparat – Bıyl qysta Nur-Sultan qalasynda 30-ǵa jýyq jyly aıaldama ornatylady. Bul týraly qala ákimi Altaı Kólginov málim etti, dep habarlaıdy QazAqparat tilshisi.
«Osy qysta qala boıynsha 30-ǵa jýyq jyly aıaldama ornatýdy kózdep otyrmyz. Jalpy jyl sanap jyly aıaldamaǵa suranys kóbeıip keledi. Ásirese, qalanyń shetki aımaqtarynda ornatý kerek. Sebebi jyl saıyn halyq sany kóbeıip, qala aýmaǵy da keńeıip keledi. Jyly aıaldama kerek, biraq onyń bárin biz 1 jyldyń ishinde sheshe almaımyz. Barlyǵy da josparǵa sáıkes iske asyrylady. Eń bastysy turǵyndarǵa yńǵaıly bolyp, jaǵdaı jasalýy tıis», - dedi A. Kólginov tilshilerdiń suraqtaryna jaýap bere otyryp.
Sonymen qatar, shahar basshysynyń málimdeýinshe, qaladaǵy jyly aıaldamalarda shaǵyn kásipti damytýǵa erekshe mán beriletin bolady.
Buǵan deıin Altaı Kólginov elordadaǵy kommýnaldyq tólem baǵasynyń ósýine qatysty pikir bildirgen edi.
