Elordada 3 myńǵa jýyq kommýnaldyq tehnıka gazben júretin bolady
ASTANA. QazAqparat - Elordada atmosferalyq aýaǵa shyǵarylatyn zııandy zattardy azaıtý maqsatynda avtokólikter ekologııalyq jaǵynan neǵurlym taza bolyp tabylatyn gazben júretin bolady, dep habarlady qalalyq ákimdiktiń baspasóz qyzmetinen.
Qazirgi kezde Astanada kommýnaldyq menshigindegi 3 myńǵa jýyq kólik quralyn gazǵa aýystyrý jospary ázirlenýde. Búgingi tańda kommýnaldyq kásiporyndardyń 300-den astam kóligi gazǵa aýystyryldy. Qazirgi kezde qalada 42 gaz quıý stantsııasy jumys isteıdi, taǵy da 15 stantsııa salý josparlanyp otyr. Aıta keteıik, 2015 jyldyń toǵyz aıynda JEO elorda atmosferasyna shyǵarylǵan zııandy zattar kólemi 27,3 myń tonnany qurady. Bul 2014 jyldyń sáıkes merzimimen salystyrǵanda 21,6%-ǵa tómen, dep málim etti elordalyq Tabıǵı resýrstar jáne tabıǵat paıdalanýdy retteý basqarmasyndaǵylar. Mundaı kórsetkishke emýlgatorlardy ornatý jáne azot pen kúkirtti basý jónindegi ekologııalyq sharalardy ótkizý nátıjesinde qol jetkizildi.
