Elordada 3 adamdy qutqarǵan órt sóndirýshige kómek jınalyp jatyr
ASTANA. QazAqparat – Astanada kópqabatty úıdegi órtten 3 adamdy qutqaryp qalǵan órt sóndirýshi Asqar Zabıkýlınge arnap dostary kómek jınaýda. Bul týraly qutqarýshynyń jubaıy Anel Zabıkýlına óziniń Instagram jelisindegi paraqshasynda jazdy, dep habarlaıdy QazAqparat tilshisi.
«Men seniń buǵan qarsy bolatynyńdy bilemin. Biraq muny men emes, seniń dostaryń qolǵa alyp jatyr. Bul meniń joldasyma arnalǵan kómek. Barshańyzǵa alǵysym sheksiz», - dep jazdy Anel Zabıkýlına.
Qutqarýshynyń jubaıy jarııalaǵan málimetterge saı, kómek jınaýǵa arnalǵan shottyń rekvızıti:
Bank kartasynyń nómiri: 44 00 43 01 66 77 48 41 (Anel Zabıkýlına)
Uly baılanys nómiri boıynsha: 8 778 705 54 05
Sonymen qosa, Anel Zabıkýlına áleýmettik jelidegi paraqshasynda joldasy Asqar Zabıkýlınge donor qany qajet ekeni týraly habarlama jarııalady. Nıet bildirgen azamattar Astana qalasy, Kereı-Jánibek handar kóshesi 10 mekenjaıy boıynsha ornalasqan Transfýzııalogııa ǵylymı-óndiristik ortalyǵyna baryp, qan tapsyra alady.
Foto: www.instagram.com/anelya_zn
Aıta keteıik, keshe elordada kópqabatty úıde órt bolyp, 3 adam, onyń ishinde 1 bala aýrýhanaǵa túsken edi. Órt kópqabatty úıdiń 11-qabatynda tutanǵan. Órt sóndirýshi Asqar Zabıkýlın páterge tereze arqyly kirý úshin qutqarý arqanymen 12-qabattan 11-qabatqa túsken. Іshke ený úshin qorshaýdy alyp tastap, ústindegi kamýflıaj kıimimen janyp jatqan páterge kirip, 80 jastaǵy ájeı men 22 jastaǵy nemeresin ottan shyǵarǵan. Sonymen birge, órt sóndirýshi qoıý tútinnen shyǵa almaı, balkonǵa jasyrynǵan 10 jasar balany qutqaryp úlgergen.
Asqar Zabıkýlın asqan jankeshtilikpen tilsiz jaýdan birneshe adamdy qutqaryp qaldy. Aladaıda ózi aýyr jaraqat alyp, qazir jansaqtaý bóliminde jatyr. Ákimdik dereginshe, órt sóndirýshiniń 80 paıyz denesin kúıik shalǵan.
Búgin Prezıdent órt sóndirýshilerdi marapattaý týraly Jarlyqqa qol qoıdy.
Osy ýaqytta zardap shekken órt sóndirýshilerge qatysty qyzmettik tergeý júrip jatyr.
Basty foto: gov.kz
