Elordada 3-8 qarasha aralyǵynda XIV «Shabyt» shyǵarmashylyq jastar festıvali ótedi
TANA. 3 qarasha. QazAqparat /Aıdar Ospanalıev/ - Astanada 3-8 qarasha aralyǵynda XIV «Shabyt» shyǵarmashylyq jastar festıvali ótedi. Bul týraly búgin Astanada baıqaýdy uıymdastyrýshylarmen bolǵan baspasóz máslıhatynda málim boldy.
Esterińizge sala keteıik, eń alǵash ret 1998 jyly uıymdastyrylǵan atalmysh shara 2000 jyly halyqaralyq baıqaý mártebesine ıe boldy. 13 jyldyń ishinde «Shabyt» 13 myń jastyń shyǵarmashylyq salasynda óz joldaryn tabýlaryna yqpal etti. Al bıylǵy baıqaýǵa 300 úmitker qatysady dep kútilýde. Konkýrs osy joly «Beıneleý óneri», «Úzdik ádebı shyǵarma», «Halyq áni», «Klassıkalyq áýen», «Estradalyq janr» atalymdary boıynsha eń úzdik shyqqan jastardy anyqtaıdy. Baıqaý jeńimpazdaryn qazaqstandyq jáne sheteldik óner adamdarynan qurylǵan ádilqazylar alqasy irikteıdi. Ádilqazylar alqasynyń quramynda Qazaqstannyń halyq jazýshysy Farıza Ońǵarsynova, Qazaqstan Respýblıkasynyń halyq ártisi Qaırat Baıbosynov, Qazaq SSR-niń óner qaıratkeri Erkin Mergenov, Italııanyń Chezare Polını atyndaǵy Padýan konservatorııasynyń professory Perlýıdjı Destra, Brazılııanyń kameralyq Blýmený orkestriniń Bas dırıjeri Denıel Bortolossı jáne basqa da belgili tulǵalar bar. Baıqaý jeńimpazdaryna Bas júlde, 1-shi, 2-shi, 3-shi oryndar men «Shabyt» festıvaliniń laýreaty jáne «Shabyt» medali tabys etiledi. Sondaı-aq baıqaýǵa qatysýshylar arnaıy dıplomdar men Qazaqstannyń áıgili mádenıet qaıratkerleri atyndaǵy syılyqtardyń ıegeri atanady. Konkýrsqa qatysýshylar sonymen qatar ádilqazylar alqasy músheleriniń qatysýymen uıymdastyrylǵan kontsertti tamashalap, sheberlik synyptaryna qatysady. Buǵan qosa úmitkerler elimizge tanymal jazýshylarmen, aqyndarmen kezdesip, pikir almasý túrindegi túrli mádenı sharalarǵa atsalysady.
Baıqaý aıaqtalǵan soń olarǵa arnap, kontserttik qoıylymdar qoıylyp, Astana ákimi arnaıy kesh uıymdastyrady.
