Elordada 29 myń ýchaske túgendeýge jatady

Bul týraly búgin «Jer resýrstaryn tıimdi basqarýdyń negizi máseleleri» taqyrybynda ótken semınar-keńes barysynda QR Jer resýrstaryn basqarý agenttiginiń tóraǵasy Qadyrhan Otarov málim etti.

Onyń atap ótýinshe, jeke turǵyn úı qurylysyna bergen jerlerdi túgendeý jumystarynyń úılestirýshisi agenttik, al oryndaýshysy ákimdik pen agenttiktiń qurylymdyq bólimsheleri bolyp tabylady. «Barlyq ákimdiktermen túgendeý jumystary bastaldy. Ákimdiktiń málimetteri boıynsha, Astana qalasynda berilgen  ýchaskelerdiń jalpy sany 29 myń. Onyń barlyǵy da túgendeýge jatady», - dedi ol.

Q.Otarovtyń paıymynsha, mundaı jumystar jyl saıyn júrgizilmeıtindikten ony júzege asyrýǵa barynsha jaýapkershilikpen qaraý kerek. Bul rette túgendeý jumystaryn retteý úshin agenttik 6 qadamdyq usynys ázirlegen. «Tolyqtaı alǵanda atalǵan jumystardy respýblıka boıynsha 2012 jyldyń 1 maýsymynda aıaqtaý qajettigi belgilengen», - dedi agenttik basshysy.