Elordada 27 til janashyry marapattaldy
ASTANA. 8 qarasha. QazAqparat - Astanada QR Tuńǵysh Prezıdentiniń mýzeıinde 27 adamǵa «Til janashyry» qurmet belgisi tabystaldy.
Atap aıtqanda, kúndelikti ómirde memlekettik tildi dáripteýge erekshe kóńil bóletin jazýshylarǵa, kásipkerlerge, memlekettik mekemeler men qoǵamdyq uıymdardyń ókilderine, ǵalymdar men oqytýshylarǵa. Bul týraly astana.kz saıtyna Nazarbaev Ortalyǵynyń aqparattyq-ımıdjilik jumys qyzmetinen habarlady.
Bıyl oblys ákimshilikteri, qoǵamdyq uıymdar men mekemeleri osy belgimen marapattaýǵa elimizdiń túkpir-túkpirinen 100 jýyq adamnyń kandıdatýrasyn usyndy, biraq marapatqa 27 qatysýshy ǵana ıe boldy.
«Osyndaı semınarlar men is-sharalardyń ótkizilýin qazaq tiline jasalyp jatqan qamqorlyq dep qabyldaý kerek. «Tilge qurmet - elge qurmet». Eldiń eldigi onyń namysy men ultjandylyǵynan bilinedi. Olar týǵan tilge degen qurmetti perzenttik paryz dep biledi», - dedi Mańǵystaý oblysy pedagogıkalyq qyzmetkerlerdiń biliktiligin arttyrý ınstıtýty deńgeılik baǵdarlamalar ortalyǵynyń jetekshisi Jamıǵa Nyǵmet.
Aıta keteıik, «Til janashyry» qurmet belgisi alǵash ret sheteldik ǵalymdarǵa da berildi. Atap aıtqanda, Túrkııa professory Ábdýahab Qara, Eýropa qypshaqtary qaýymdastyǵynyń prezıdenti Vad Laslo, Ońtústik Koreıa Hankýk ýnıversıtetiniń professory Iýn Sı Ne, Mıýnhen ýnıversıtetiniń professory Qaıým Kesıjı, Indıana ýnıversıtetiniń professory Ýılıam Fıerman atalǵan qurmet belgisimen marapattaldy.
Eske sala keteıik, «Til janashyry» qoǵamdyq birlestiginiń atalmysh nagradasy qazaq tiliniń órkendeýine atsalysyp júrgen azamattardy yntalandyrýdy kózdeıdi.
