Elordada 26 sáýir kúni jalpyqalalyq senbilik ótedi

ASTANA. KAZINFORM – Elordada «Taza Qazaqstan. Astana – tazalyq pen tártiptiń úlgisi» ekologııalyq aktsııasy aıasynda osy demalys kúnderi, 26 sáýirde jalpyqalalyq senbilik ótedi, dep habarlaıdy qala ákimdiginiń resmı saıty.

Senbilik aıasynda qala aýmaǵyn qoqystan tazartý, saıabaqtardy, gúlzarlardy, aýlalardy, sondaı-aq saýda, qoǵamdyq tamaqtaný nysandaryna jáne basqa da uıymdarǵa irgeles aýmaqtardy jınaý josparlanyp otyr.

Ákimdik qalanyń barlyq kásipornyn, MIB (PIK), shaǵyn jáne orta bıznes sýbektilerin, eriktiler men belsendi qala turǵyndaryn ekoaktsııaǵa qosylýǵa jáne tazalyq sharasyna qatysýǵa shaqyrady.

Aýqymdy ekoaktsııa aıasynda 1,4 myńnan astam jasyl jelek otyrǵyzý josparlanǵan.

Esterińizge sala keteıik, ekoaktsııanyń negizgi maqsaty qala kóshelerindegi tazalyqty saqtaý jáne ekologııalyq mádenıetti qalyptastyrý máselelerine jurtshylyqtyń nazaryn aýdarý bolyp sanalady.

Qalanyń barlyq turǵyny men uıymdary kósheler men aýlalardy abattandyrýǵa úles qosa alady. Ekoaktsııa saǵat 10.00-den bastalady.

Eske sala keteıik, buǵan deıin Astanada mereke qarsańynda qalalyq aýyl sharýashylyǵy jármeńkesi ótetinin jazǵan edik.