Elordada 2540 jumysshynyń jalaqy qaryzy tólendi

NUR-SULTAN. QazAqparat - Nur-Sultanda 2540 jumysshynyń 540 mln teńgeden astam jalaqy bereshegi óteldi, dep habarlaıdy QazAqparat qala ákimdiginiń resmı saıtyna silteme jasap.

Qalalyq ortany baqylaý jáne sapa basqarmasynyń aqparatynsha, astanalyqtar kóbinese eńbekaqy tólemeý, qalǵan az bóligi - zańsyz jumystan bosatý, tártiptik sıpattaǵy sharalardy qoldaný, eńbek jaǵdaılaryn ózgertý jáne taǵy basqa eńbek zańnamasyna qatysty máseleler boıynsha memlekettik organdarǵa júginedi. Tájirıbe kórsetkendeı, negizinen jalaqyny keshiktirý nemese tólemeý kóbinde kúzet qyzmetin kórsetetin, qoǵamdyq tamaqtandyrý jáne qurylys salasynda jumys isteıtin shaǵyn jáne orta kásiporyndarda kezdesedi.

Aıta ketý kerek, eńbek zańnamasynyń talaptaryn buzǵany úshin zańmen eskertý jáne aıyppul túrinde ákimshilik jaýapkershilik qarastyrylǵan.