Elordada 25 aqpannan bastap balabaqshalarǵa búldirshinderdi jospardan tys jınaqtaý bastalady

Bul týraly Astana qalasynyń resmı saıty astana.kz Bilim basqarmasyna silteme jasap habarlady.

Atap aıtqanda, mektepke deıingi mekemelerdiń paıdalanýyna berilýine baılanysty:

№ 68 balabaqshasy - Prıgorodnyı kenti, Sarytoǵaı kóshesi, 9 úı (Prıgorodnyı kentinde ornalasqan),№ 69 balabaqshasy - 23-31 kóshe, 41 úı (Tursyn-Astana turǵyn úı kesheni aýdanynda ornalasqan), №70 balabaqshasy - 23-31 kóshe, 39 úı (Tursyn-Astana turǵyn úı kesheni aýdanynda ornalasqan), №71 balabaqshasy - Proektnaıa kóshesi №199, 36/3 úı («Han shatyr» oıyn-saýyq ortalyǵy aýdanynda ornalasqan) balabaqshalarynda 2013 jyldyń 25 aqpany men 1 naýryzy aralyǵynda toptaý júrgiziledi, - delingen habarlamada. «Sondaı-aq, qalalyq Bilim basqarmasy mektepke deıingi mekemelerdegi oryn tapshylyǵyna oraı, jınaqtaý jumys tobynda ata-analardyń turǵylyqty meken-jaıyna baılanysty balabaqshaǵa joldama berý múmkindigi joq. Mektepke deıingi mekemelerge jınaqtaý jumys tobyna barýdyń aldynda, jańadan ashylyp jatqan balabaqshalardyń ornalasqan meken-jaıymen tanysýdy usynady. Eger balabaqshalardyń ornalasý meken-jaıy Sizge qolaıly bolmasa, 2013 jyly maýsym aıynda júrgiziletin josparly jınaqtaý jumys tobyna kezek sanyńyz saqtalǵan qalpynda qatysa alasyz», - delingen baspasóz habarlamasynda.

Toptaý 2013 jylǵy 25 aqpannan bastalady. Ótkiziletin orny: №26 bastaýysh mektep (Konstıtýtsııa, 44). Jumys rejımi: kúndelikti saǵat 10.00-den 18.00-ge deıin, úzilis saǵat 13.00-den 14.00-ge deıin. Senbi, jeksenbi -demalys kúnderi.

2013 jyly jańadan qoldanysqa berilgen mektepke deıingi mekemelerge toptaýǵa bosaǵan oryndar sany

Mektepke deıingi bilim berý mekemeleriniń oryndar bólý tizimi