Elordada 24 myń bala 1-synypqa barady
«Halyq sanynyń ósýimen qatar mektep qurylysyna degen qajettilik te artyp kele jatyr. Bul óte sezimtal sala. Mamyrda 7 myń bala mektep bitirse, 1 qyrkúıekte 24 myń balany 1-synypqa qabyldaımyz. Jáne de mundaı jaıt jyl saıyn qaıtalanyp kele jatyr. Bir jaǵynan bul bizdi qýantady, ekinshi jaǵynan áleýmettik ınfraqurylymdy daıyndaýymyz qajet», - dedi ol Nur-Sultan qalalyq máslıhatynyń kezekten tys sessııasynda.
Elorda ákimi áleýmettik jaǵynan az qamtylǵan otbasylardy qoljetimdi baspanamen qamtamasyz etý de ózekti másele ekendigine toqtaldy.
«Turǵyndarynyń qajettiligine baılanysty baspana sany artyp kele jatyr. Bul óte jaqsy. Máselen, tsıfrǵa júginer bolsaq, 2018 jyly 1 100, al 2019 jyly 2 900, 2020 jyly 7 000 qoljetimdi baspana berildi. Bıyl mundaı áleýmettik baspana sany 10 myńǵa jetetin bolady. Dınamıka óte jaqsy», - dedi Altaı Kólginov.