Elordada 24 qyrkúıekte ótetin mańyzdy sharalar ańdatpasy

NUR-SULTAN

Saǵat 09.00-de «Hılton» qonaq úıinde «KAZAKHSTAN ENERGY WEEK 2019» sharasy aıasynda «Kaspıı jáne Ortalyq Azııanyń munaı óńdeý jáne munaı hımııasy» 6-shy halyqaralyq konferentsııasy jalǵasyn tabady.

Saǵat 09.30-da «KAZAKHSTAN ENERGY WEEK 2019» aıasynda Kongress-ortalyǵynda «Kaspıı aımaǵyndaǵy eńbekti qorǵaý, ónerkásiptik qaýipsizdik, qorshaǵan ortany qorǵaý jáne áleýmettik jaýapkershilik» atty sımpozıým ótedi.

Saǵat 10.00-de Táýelsizdik saraıynda «Úlken Eýrazııa: Dıalog. Senim. Seriktestik» taqyrybynda Eýrazııa elderi parlamentteri spıkerleriniń 4-shi otyrysy ótedi.

Saǵat 10.00-de «KAZAKHSTAN ENERGY WEEK 2019» aıasynda Kongress ortalyqta XI KAZENERGY Jastar forýmy bastalady.

Saǵat 17.00-de «Sputnik Qazaqstan» mýltımedııalyq baspasóz ortalyǵynda Máskeý-Bishkek-Erevan-Mınsk-Nur-Sultan beınekópiri formatynda Ujymdyq qaýipsizdik týraly shart uıymynyń Birikken shtabynyń jetekshisi Anatolıı Sıdorov brıfıng ótkizedi.

ALMATY

Saǵat 08.00-de jańa kún elektr stantsııasyna (SES) baspasóz týry uıymdastyrylady. Shara barysynda jańa kún stantsııasynyń fotoelektrlik modýlderi men jabdyqtary, sondaı-aq, 2013 jyldyń jeltoqsan aıynda paıdalanýǵa berilgen qoldanystaǵy 2 MVt SES-tiń jumysy tanystyrylady.

Saǵat 10.00-de Ál-Farabı atyndaǵy Qazaq ulttyq ýnıversıtetinde Eýrazııalyq keńistiktik derekter ınfraqurylymy boıynsha V halyqaralyq «Elektrondyq úkimetten g-úkimetke» atty konferentsııa ótkiziledi.

Saǵat 15.00-de Qazaqstan Respýblıkasy Ulttyq kitaphanasynyń N.Dáýletova zalynda Qazaqstan Respýblıkasynyń Tuńǵysh Prezıdenti - Elbasy N.Á.Nazarbaevtyń Qazaqstan halqyna «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýyn talqylaý boıynsha «Kóshbasshylar minber» jobasy aıasynda kitaphanalyq jýrnalıstik shara ótedi.