Elordada 23 sáýirden bastap kún jylynady
NUR-SULTAN. QazAqparat - «Qazgıdromet» RMK sınoptıkteriniń boljamy boıynsha osy aptanyń sońyna qaraı elordada kún jylynady dep kútilip otyr. Bul týraly QazAqparat qala ákimdiginiń resmı saıtyna silteme jasap habarlaıdy.
Búgin, ıaǵnı 21 sáýirde Nur-Sultanda kóshpeli bult shyǵyp, aýa raıy jaýyn-shashynsyz bolady dep boljanyp otyr. Batystan, soltústik-batystan 7-12 m/s jyldamdyqpen jel soǵady, aýa temperatýrasy túnde 7-9 aıazǵa deıin tómendeıdi, kúndiz 8-10 gradýs jyly bolady.
22 cáýirde kúndiz kóshpeli bult shyǵady, jaýyn-shashyn bolmaıdy. Soltústik-shyǵystan 9-14 m/s jel soǵady, aýa temperatýrasy túnde — -5-7 gradýs, kúndiz 5-7 gradýs jyly bolady.
Al 23 sáýirde kóshpeli bult shyǵady, jaýyn-shashynsyz. Ońtústik-shyǵystan 3-8 m/s jel soǵady, aýa temperatýrasy túnde 4-6 gradýs, kúndiz 13 gradýs jyly bolady.
