Elordada 211 myń turǵyn MÁMS júıesinde saqtandyrylmaı, medkómekten tys qalyp otyr
«Elordalyqtar 2021 jyl bastalǵaly beri, ıaǵnı qańtar-maýsym aılarynda medıtsınalyq saqtandyrý úshin 19,7 mlrd teńge jarna aýdarǵan, al maýsym aıynda MÁMS úshin 3,5 mlrd teńgeden asa jarna tústi», – dep habarlaıdy Áleýmettik medıtsınalyq saqtandyrý qory elorda fılıalynyń baspasóz qyzmeti.
Nur-Sultan qalasy boıynsha 2017 jyldyń 1 shildesi men 2021 jyldyń 30 maýsymy aralyǵynda medıtsınalyq saqtandyrý úshin jınaqtalǵan jarnanyń jalpy somasy - 77,8 mlrd teńge.
2021 jyldyń maýsym aıynda medıtsınalyq saqtandyrý úshin elordalyqtar 3,5 mlrd teńgeden asa jarna aýdarǵan.
Onyń ishinde jumys berýshilerdiń aýdarymdary - 1,7 mlrd teńgege jýyq, al jeke kásipkerlerden túsken jarna - 1,8 mlrd teńgeden asady.
«Osy jyldyń 30 maýsymyndaǵy jaǵdaı boıynsha 7196 adam biryńǵaı jıyntyq tólem (BJT) boıynsha MÁMS-ke jarna tólegen.Mindetti áleýmettik medıtsınalyq saqtandyrý úshin túsken barlyq jarna aýdarymdary, ıaǵnı jınaqtalǵan qarjy senimgerlik basqarý týraly jasalǵan kelisimshartqa sáıkes Ulttyq bankte saqtalady da, mindetti áleýmettik medıtsınalyq saqtandyrý paketi sheńberindegi qyzmetter aqysyn tóleýge jumsalady», - deıdi «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
Qazirgi ýaqytta Nur-Sultan qalasy turǵyndarynyń 82,5%, ıaǵnı 991 653 elordalyq saqtandyrylǵan, al 17,5% – 211 myńnan asa qala turǵyny MÁMS júıesinen tys qalyp otyr.
Medıtsınalyq saqtandyrý qory patsıentter quqyǵyn qorǵaıdy. Qandaı da bir suraqtar týyndaǵan jaǵdaıda keri baı̆lanys arnalary:
- Qoldau 24/7 mobıldi qosymshasy
- @saqtandyrybot telegramboty
- 1406 baı̆lanys ortalyǵy
- qordyń fms.kz saı̆ty.
Áleýmettik medıtsınalyq saqtandyrý qory ótinishińizdi qarap, tıisti shara qabyldaıdy.
