Elordada 2021 jyly kásiptik oqytýǵa arnalǵan mamandyqtar tizimi bekitildi

NUR-SULTAN. QazAqparat - Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn iske asyrý aıasynda 2021 jyly qysqa merzimdi kásiptik oqytýdy uıymdastyrý úshin tıisti mamandyqtar tizbesi men oryndardy bólý bekitildi, dep habarlaıdy QazAqparat qala ákimdiginiń resmı saıtyna silteme jasap.

Bekitilgen tizimde «Eńbek» memlekettik baǵdarlamasy aıasynda qysqa merzimdi kásiptik oqytý júrgiziletin 14 mamandyq bar. Barlyǵy 200 oryn bólindi. Sonymen, kýrstar aıasynda aspazshy (jalpy profıl) – 30 oryn, naýbaıshy (jalpy profıl) – 15 oryn, tiginshi (operator tiginshi) – 30 oryn, tiginshi – 40 oryn, shashtaraz – 25 oryn, kondıter – 15 oryn, baqylaýshy-kassır – 10 oryn, tárbıeshi kómekshisi – 2 oryn, tárbıeshi – 8 oryn, SMM menedjeri – 5 oryn, dánekerleýshi – 5 oryn, slesar-santehnık – 5 oryn, kran mashınısi – 5 oryn, tehnık elektrık – 5 oryn.

Al SMM menedjeri mamandyǵy boıynsha oqytý 2 aı, qalǵany úshin – 3 aı.

Bilim berý uıymdarynda 2021 jyly qysqa merzimdi kásiptik oqytý dýaldi oqytý elementterimen júrgiziledi.

Baǵdarlamaǵa halyqty jumyspen qamtý ortalyǵynda jumyssyz retinde tirkelgender qatysa alady.

Qatysýshylar memlekettik qoldaýmen qamtamasyz etiledi, oqý kezeńinde 21 787 teńge mólsherinde stıpendııa jáne medıtsınalyq tekserýden ótý úshin 5 556 teńge (2 AEK) mólsherinde materıaldyq kómek tólenedi.

Kásibı oqytý máseleleri boıynsha myna telefondarǵa habarlasýǵa bolady: [phone]; [phone] / 8 (7172) 954424.