Elordada 2019 jylǵy Konfederatsııa kýbogynyń jerebesi tartyldy
NUR-SULTAN. QazAqparat - Elordada 2019 jylǵy Konfederatsııa kýbogynyń jerebesi tartyldy, dep habarlaıdy Olympic.kz.
Bıylǵy dodanyń irikteý kezeńderi 5-6 qazan kúnderi Oral qalasynda bastalyp, 12-13 qazanda Qaraǵandyda, 19-20 qazanda Qostanaıda, 26-27 qazanda Aqtóbede jalǵasady. Jerebe nátıjesi boıynsha 17 óńir kelesi toptarǵa bólindi:
A toby - Aqtóbe obl, Almaty, Atyraý obl, Pavlodar obl, Aqmola oblysy;
V toby - Qostanaı obl, SQO, ShQO, Jambyl oblysy;
S toby - Qaraǵandy obl, Túrkistan obl, Shymkent, Nur-Sultan;
D toby - BQO, Qyzylorda obl, Mańǵystaý obl, Almaty oblysy;
Jartylaı fınal men fınaldyq kezdesýler 7-8 jeltoqsan kúnderi Almaty qalasyndaǵy «Balýan Sholaq» atyndaǵy sport saraıynda ótedi.
Bıyl jarys baǵdarlamasyna karate-do sport túri endi. Sondaı-aq, júlde qory 1, 2, 3-oryn alǵan komandalar arasynda bólinedi. Konfederatsııa kýbogynyń jarys baǵdarlamasyna kelesi sport túrleri engen: boks, dzıýdo, grek-rım jáne erkin kúres, taekvondo, qazaq kúresi jáne karate-do.
Jarysqa barlyq óńirler qatysady.
