Elordada 2016 jyly qansha turǵyn úı paıdalanýǵa berildi
ASTANA. QazAqparat - 2016 jyly Astanada 128 turǵyn úı keshenin paıdalanýǵa berý josparlanǵan edi. Degenmen onyń tek 70-inde ǵana turǵyndar qonys toıyn toılady, dep habarlaıdy QazAqparat.
«Qalǵan 58 problemaly nysannyń qurylysyn aıaqtaý máselesi apta saıyn Astana qalasy ákimdigi janyndaǵy úlestik qatysý máseleleri jónindegi vedomstvoaralyq komıssııanyń otyrysynda qaralady», - dep málim etti Astana qalalyq memlekettik sáýlet-qurylysty baqylaý basqarmasynan.
Vedomstvonyń atap ótýinshe, nysandardyń qurylysyn aıaqtaýǵa kedergi bolyp otyrǵan negizgi sebepterdiń qatarynda qurylysqa ruqsattyń, jobalyq-smetalyq qujattamalardyń bolmaýy, sonynmen birge ınvestorlar aldynda qurylysshylardyń kelisimshart mindettemelerin oryndamaýy bar. Munyń barlyǵy da «Turǵyn úı qurylysyna úlestik qatys týraly» QR Zańyn buzý sanalady.
Páter ıeleriniń shyǵyndaryn kim qalpyna keltiredi degen saýalǵa atalǵan basqarma naqty jaýap bere almady. Tek mundaı jaǵdaıda elimizdiń qoldanystaǵy zańnamasyn basshylyqqa alý kerektigin atap ótken.
«Qurylysshy men ınvestor (úlesker) arasyndaǵy quqyqtyq kelisimdi qarym-qatynas (aldyn ala kelisimshart, ınvestıtsııalyq qyzmet týraly kelisimjart jáne basqalary) azamattyq-quqyqtyq bolyp sanalatyndyǵyn atap ótken oryndy jáne Qazaqstan Respýblıkasynyń azamattyq zańnamasynyń normalarymen retteledi. Zańǵa sáıkes jeke jáne zańdy tulǵalardyń turǵyn úıge úlesin talap etýinen týyndaýymen baılanysty jeke jáne zańdy tulǵalardyń qarjysyn tartý, turǵyn úı qurylysyna úlestik qatysý týraly kelisimshart negizinde ǵana júzege asyrylady. Bul rette olardyń qarjysy turǵyn úı paıdalanýǵa berilmeı turǵan kezde tartylady. Zańnyń joǵaryda atalǵan normasyna oraı qurylysshy nysannyń ınvestory bolyp sanalmaıtyn tulǵaǵa páterdi satqan kezde úlesker qarjysyn tartýǵa arnalǵan jergilikti atqarýshy organnyń sáıkesinshe ruqsaty bolýy tıis», - dedi basqarmadan.
