Elordada 2015 jyly 1473 is medıatsııalyq jolmen sheshildi - Astana qalalyq soty
ASTANA. QazAqparat - Daý-janjaldy medıatsııa nemese partısıpatıvtik tártippen sheshý rásimi keńeıip keledi, dep habarlaıdy Astana qalalyq sotynyń baspasóz qyzmeti.
Medıatsııa - janjaldy sheshýdiń qosalqy tásili men amaly bolyp tabylady. Tatýlastyrý, aýyzbirshilikke shaqyrý, bitimge keltirý qazaq qoǵamynda erteden qalyptasqan dástúr. «Eldestirý elshiden» degendeı, erterekte elshilik joralǵylardy júrgizetin patshalar men handardyń dıplomatııalyq qyzmettegi adamdary eki el arasynda týyndaǵan qarama-qaıshylyqtardy osyndaı medıatsııalyq jolmen sheship otyrǵan. Máselen, ótken jyly azamattyq ister boıynsha 1 myń 473 is taraptardyń kelisimge kelip, tatýlasýymen toqtatylǵan.
Azamattyq protsestik kodekske engizilgen partısıpatıvtik rásim otandyq kásipkerler men sheteldik ınvestorlardyń ahýalyn kóterýge mol múmkindik týǵyzýda. Máselen, Astana qalasynyń mamandandyrylǵan aýdanaralyq ekonomıkalyq sotynda ótken jyly tatýlastyrý rásimmen 656 isti aıaqtaǵan. Munda advokattar sotqa qatysýshylar arasynda kelissóz júrgizý arqyly eki taraptyń múddesin qorǵaı otyryp, daýdy bitimge keltiredi. Bul kásipkerlerdiń, ınvestorlardyń aldaǵy ýaqytta qarym-qatynasyn saqtap, áriptestik iltıpatyn jalǵastyrýlaryna múmkindik beredi.
Memleket basshysy halyqtyń ál-aýhatyn jaqsartýda - ekonomıkanyń qýatyn arttyrýdy tapsyrǵan bolatyn. Bul turǵyda elordalyq sottardyń otandyq kásipkerler men iri sheteldik ınvestorlardyń quqyǵyn sottyq-quqyqtyq qorǵaýymen mańyzdy.
Investorlardyń salǵan somasy aılyq eseptik kórsetkishten eki mıllıonnan asatyn mólsherdegi bolsa mundaı iri ınvestorlardyń daýlary elimizdiń Joǵarǵy Sotynda, al, basqa ınvestorlardyń qatysýymen Astana qalalyq sotynda qaralady. Protsestik zań negizinde ınvestorlar Joǵarǵy Sottyń apellıatsııalyq jáne kassatsııalyq alqasyna shaǵymdana alady.
