Elordada 2013 jyly 285 914 qylqan japyraqty aǵash otyrǵyzylady
ASTANA. 24 qańtar. QazAqparat - Bıylǵy jyly elordada ártúrli 3 778 aǵash pen 2000 tal otyrǵyzylady.
Bul týraly Astana qalasynyń resmı saıty Tabıǵı resýrstar jáne tabıǵatty paıdalanýdy retteý basqarmasyna silteme jasap habarlady.
Elorda kósheleri men gúlzarlarynyń sibir shyrshasy men qaraǵaıy, pıramıdal teregi men qylqan japyraqty qaraǵashy, butaqty shegirshin aǵashy men tatar úıińkisi, qaıyń men emen, qaraqat, búldirgen, taǵy da basqa jemis aǵashtary sánin keltiretin bolady.
Sondaı-aq, Astananyń 15 jyldyǵyna oraı 15 gúlzar baqtyń qurylysy jańartylady. Olardyń 2-ýi - Esil, 7-ýi - Saryarqa, 6-ýy Almaty aýdandarynda ornalasqan.
Sonymen qatar, qalany jelden qorǵaý maqsatynda Astananyń aınalasyna jasyl beldeý qurylysyn júrgizý bastaldy. Basqarmanyń málimeti boıynsha, ótken 2012 jyly 179 gektar aýmaqqa 430 746 dana qylqanjapyraqty tal otyrǵyzyldy. Qazirgi ýaqytta jasyl beldeýdiń jalpy aýmaǵy 14 875 gektar. Osy jerde 9,7 mıllıonnan astam aǵash pen 1,9 mıllıon tal ósip tur.
«2013 jyly 171 gektar jerge 285 914 qylqan japyraqty aǵash otyrǵyzý josparlanýda», - delingen habarlamada.
