Elordada 2012 jyldyń 1 toqsanynda efırlik-sandyq telearna iske qosylady

Bul týraly búgin elordanyń ınnovatsııalyq damýyna arnalǵan «Smart Astana-2011» konferentsııasy barysynda QR Baılanys jáne aqparat mınıstri Asqar Jumaǵalıev málim etti.

«Efırlik-sandyq telearna 2012 jyldyń 1 toqsanynda elordada paıda bolady. men 3G týraly aıtyp otyrǵanym joq, óıtkeni bul tehnologııa biraz ýaqyttan beri Astanada jumys isteýde. Biz 4G tehnologııasy boıynsha ilki joba kelesi jyldyń sońyna deıin aıaqtalady dep kútýdemiz. Al 2013 jyldyń basynda bul tehnologııa Astanada óndiristik iske qosylyp, osydan keıin birtin-birtin basqa qalalarda damıdy», - dedi A.Jumaǵalıev.

Aıta keteıik, Astana ınfraqurylymyn keshendi jańǵyrtýǵa baǵyttalǵan «Smart Astana» («Aqyldy qala») jobasy qala turǵyndarynyń jumysy men demalysy jaıly bolýyna qajetti jaǵdaıdy jasaıdy. Jobanyń negizi eýropanyń «aqyldy» qalalardy damytý modelinen alynǵan. Olar aqyldy ekonomıka, uıaly baılanysqa qoljetimdilik, aqyldy qorshaǵan orta, aqyldy ákimdik, aqyldy turǵyn úı ortasy, aqyldy adamdar syndy 6 sıpattamaǵa negizdeledi.

QazAqparat anyqtamasy: 4G (aǵylshyn sózi: fourth generation - tórtinshi býyn) - málimetterdi berý jyldamdyǵymen jáne dybystyq baılanystyń joǵary sapasymen sıpatalatyn uıaly baılanys býyny.