Elordada «2010 jylǵy navıgatsııada keme qatynasy qaýipsizdigin qamtamasyz etý» taqyrybynda keńes ótti
ASTANA. Sáýirdiń 8-i. QazAqparat - Búgin elordada «2010 jylǵy navıgatsııada keme qatynasy qaýipsizdigin qamtamasyz etý» taqyrybynda keńes ótkizildi,
dep habarlady QR Kólik jáne kommýnıkatsııa mınıstrliginen.
QR Kólik jáne kommýnıkatsııa mınıstrligi Kóliktik baqylaý komıteti uıymdastyrǵan keńeske respýblıkalyq memlekettik qazynalyq sý joldary kásiporyndary, «Keme qatynasy tirkelimi» memlekettik mekemesi, óńiraralyq kóliktik baqylaý ınspektsııalarynyń basshylary jáne elimizdiń Tótenshe jaǵdaılar mınıstrligi men Aýyl sharýashylyǵy mınıstrligi Balyq sharýashylyǵy komıtetiniń ókilderi qatysqan.
Keńes barysynda aldaǵy navıgatsııadaǵy keme qatynasy qaýipsizdigin qamtamasyz etý máseleleri talqylandy.
Baspasóz qyzmetiniń atap ótýinshe, aǵymdaǵy jylǵy navıgatsııa Atyraý oblysynda sáýirdiń 1-inen bastalsa, Qaraǵandy jáne Almaty oblystarynda - sáýirdiń 10-ynan, Batys Qazaqstan oblysynda - 15-inen, Pavlodar oblysy men Semeıde - 25-inen, Shyǵys Qazaqstan oblysynda mamyrdyń 4-inen bastap ashylmaq.
Respýblıkalyq memlekettik qazynalyq sý joldary kásiporyndarynyń (RMQSJK) respýblıka boıynsha qyzmet kórsetetin keme qatynasy sý joldarynyń jalpy uzyndyǵy 3982 shaqyrymdy quraıdy. Kóliktik baqylaý komıtetiniń aýmaqtyq organdarynda 861 ózen kemesi jáne 25 503 shaǵyn ólshemdi kemeler tirkelgen.
«Sý joldaryn keme qatynaıtyn jaǵdaıda ustaý jáne shlıýzderdi kútip ustaý» bıýdjettik baǵdarlama aıasynda keme qatynasy sý joldarynda sý túbin tereńdetip qazý, tazalaý jáne traldaý jumystary júrgiziledi jáne navıgatsııalyq jabdyq belgileri qoıylady. Kóliktik baqylaý komıtetiniń óńiraralyq kóliktik baqylaý ınspektsııalarynyń mamandary kórsetilgen baǵdarlamanyń is-sharalar josparyn oryndaý jóninde kórsetilgen qyzmetterdi qabyldaýǵa qatysady», delingen baspasóz habarlamasynda.
