Elordada 20 mln sharshy metrden astam aýmaq dezınfektsııalandy
NUR-SULTAN. QazAqparat – Elordada dezınfektsııalaý sharalary júrgizilip jatyr, dep habarlaıdy QazAqparat qala ákimdigine silteme jasap.
11 mamyrdan bastap qala turǵyndaryna barlyq sanıtarlyq erejelerdi qatań saqtap, saıabaqtarǵa, alańdar men skverlerge barýǵa ruqsat etildi. Osyǵan oraı joǵaryda atalǵan oryndardyń aýmaǵynda kúsheıtilgen dezınfektsııa jasalyp jatyr.
Turǵyndar áleýmettik qashyqty qatań saqtaýy, maska kııýi, toptanyp jınalmaýy tıis. Elordany óńdeý birneshe kezeńde júrgiziledi.
Qazir barlyǵy 20 mln sharshy metrden astam aýmaq dezınfektsııalandy. Dezınfektsııa jaıaý jáne arnaıy mashınalar kómegimen júrgiziledi. Sondaı-aq áleýmettik nysandar, bazarlar, saýda-oıyn saýyq ortalyqtary, aýlalar, balalar alańdary, úılerdiń kireberisteri jáne adamdar kóp jınalatyn basqa da oryndar kúsheıtilgen rejımde óńdelýde.
