Elordada 20 qarasha kúni qoǵamdyq kólikpen júrý tegin bolady
ASTANA. QazAqparat - Astanada 20 qarasha – saılaý kúni qoǵamdyq kólikterde (qalalyq jáne qalamańyndaǵy marshrýttar) jol júrý tegin bolady. Bul týraly qala ákimdiginen málim etti, dep habarlaıdy QazAqparat.
Qoǵamdyq kólik saǵat 06:00-den 23:00-ge deıin júredi.
Al 21 qarasha – dúısenbiden bastap avtobýstar ádettegideı, qolma-qol aqshasyz tólemmen shtattyq rejımde jumys isteıdi.
Eske salaıyq, 2020 jyldyń naýryz aıynan bastap elordada kámeletke tolmaǵan balalarǵa qoǵamdyq kólikpen júrý – tegin. Osy ýaqytqa deıin oqýshylar 43 mıllıon sapar jasady.
Sondaı-aq zeınetkerler, múgedektigi bar adamdar, kópbalaly otbasylar jáne azamattardyń ózge de jeńildetilgen sanaty tegin jol júrý quqyǵyn paıdalanady.
