Elordada 20-21 jáne 27-28 tamyz kúnderi mektep jármeńkesi ótedi

Bul týraly búgin «Mektepke jol» atty dástúrli sharanyń bastalýyna oraı uıymdastyrylǵan baspasóz máslıhaty barysynda Astana qalalyq bilim basqarmasynyń bastyǵy Ásıma Bımendına aıtty.

Onyń aıtýynsha, ótken jyly 14 tamyzda ótkizilgen sharany jan-jaqty zerdelegen qalalyq bilim basqarmasy aǵymdaǵy jyly ata-analardyń pikirlerimen sanasa otyryp, jármeńkeni ótkizý kúnderin belgilegen. Soǵan sáıkes, mektep jármeńkesi ústimizdegi jyly ortalyq qalalyq alańda tamyzdyń 20-21 jáne 27-28 kúnderi uıymdastyrylmaq.

«Bul jármeńkege biz qalalyq kásipkerlik basqarmasymen birlesip daıyndalýdamyz. Óıtkeni aǵymdaǵy jyly bizdiń mektep oqýshylarymyzǵa qajetti keńse taýarlary, mektep kıimderi, sómkeler syndy zattardy usynatyn kásipkerler men bıznesmender kóptep tartylady», - dedi ol.