Elordada 2 myńǵa jýyq jumysshy kóshelerdi qardan tazartyp jatyr

ASTANA. QazAqparat - Qalany qardan tazartýǵa 2 myńǵa tarta jol jumysshysy shyqty, dep habarlaıdy QazAqparat elorda ákimdiginiń baspasóz qyzmetine silteme jasap.

Kóshelerdi sanıtarlyq tazalaý jumystary elordanyń árbir aýdanynda júrgizilip jatyr. Kóshelerdi tazalaýǵa 1821 jol jumysshysy shyqty. 

Atap aıtqanda, Esil aýdanynda tazalaý jumystaryna 697 jol jumysshysy qatysty. Munda 263 mamandandyrylǵan tehnıka jumys isteıdi: avtogreıder - 5, júk artqysh - 46, júkti ózi túsiretin kólik - 110, júkti jınaıtyn tehnıka - 4, PM - 38, PS - 8, şetkaly traktor - 39, MKSM - 12, rotor - bireý.

Saryarqa aýdanynda tazalyq jumystaryna 194 tehnıka jumyldyryldy. Joldardy tazalaýǵa 575 jumysshy shyqty. 16 qazannan bastap 22 qarashaǵa deıin 19 979 tekshe qar shyǵaryldy. 21 - 22 qarashada qar polıgonyna 550 tekshe qar jetkizildi.

Almaty aýdanynda tazalyq jumystaryna 277 tehnıka tartyldy. Aýdan kóshelerin 602 adam tazalady. 21 qarashadan 22 qarashaǵa deıin qarly polıgonǵa 1736 tekshe metr qar shyǵaryldy.