Elordada 2 myńǵa jýyq bilim berý qyzmetkeri koronavırýsqa qarsy vaktsına aldy
Elorda turǵyndaryn koronavırýs ınfektsııasyna qarsy vaktsınatsııalaý boıynsha belsendi naýqan júrgizilip jatyr. Birinshi kezekte vaktsınany medıtsına qyzmetkerleri, pedagogtar men tártip saqshylary alady, dep habarlaıdy QazAqparat qala ákimdigine silteme jasap.
Bilim basqarmasy Densaýlyq saqtaý basqarmasymen birlesip, vaktsınatsııalaý naýqanyn, sondaı-aq vaktsınatsııalaýdyń artyqshylyqtaryn túsindirý maqsatynda onlaın-kezdesýler uıymdastyrdy. Zoom konferentsııalarynan keıin vaktsına alǵysy keletin mektepter tizimi jasalyp, turǵylyqty jeri boıynsha emhanalarǵa jiberildi. Búgingi tańda bilim berý salasynyń 1880 qyzmetkeri vaktsına aldy.
Endi qalanyń ózge turǵyndary da KVI vaktsınasyn ala alady. Ol úshin tirkelgen jeri boıynsha emhanaǵa nemese Damumed qosymshasy arqyly ótinish berýi qajet.
Qazirgi ýaqytta vaktsınatsııa qaýipti vırýsty jeńýdiń jáne ómirdiń qalypty jaǵdaıyna oralýdyń jalǵyz durys ádisi bolyp sanalady.
