Elordada 2 myńǵa jýyq anaǵa «Altyn alqa» men «Kúmis alqa» berildi
ASTANA. QazAqparat - 2010-2013 jyldary Almaty aýdanynda 2 myńǵa jýyq anaǵa «Altyn alqa» jáne «Kúmis alqa» tapsyryldy.
Bul týraly astana.kz saıtyna Almaty ákimi apparatynan habarlady.
«Aýdanda «Altyn alqa» men «Kúmis alqa» alǵan 1 783 kóp balaly ana bar, 2 273 ana 18 jasqa deıingi 4 jáne odan artyq balany tárbıelep otyr», - delingen habarlamada.
Aıta keteıik, 2013 jyly taǵy da 64 kóp balaly ana osyndaı alqalarmen marapattaldy.
«Eseptik jyly Qazaqstan Respýblıkasy Prezıdentiniń jarlyǵyna sáıkes aýdanda 64 kóp balaly anaǵa estelik syılyqtar men «Altyn alqa» jáne «Kúmis alqa» berildi», - dep habarlaıdy vedomstvo.
Eske salaıyq, «QR memlekettik nagradalary týraly» QR zańyna sáıkes «Kúmis alqa» medali alty balany dúnıege ákelip, altynshy bala bir jasqa tolǵan soń jáne basqa balalar tiri bolsa beriledi. Al jeti jáne odan kóp balasy bar analar sońǵy bala bir jasqa tolǵannan keıin «Altyn alqa» medalimen marapattalady.
