Elordada 2 myńnan astam bos jumys orny usynylatyn jármeńke ótedi

ASTANA. KAZINFORM — Elordadaǵy ál-Farabı atyndaǵy Oqýshylar saraıynda 16 shilde kúni bos jumys oryndarynyń jármeńkesi ótedi, dep habarlaıdy Astana qalasy ákimdiginiń resmı saıty.

Іs-sharany Almaty aýdany ákiminiń apparaty uıymdastyrady.

Jármeńkede túrli saladaǵy 80 uıym 2000-nan astam bos jumys ornyn usynady. Olardyń qatarynda óndiristik kásiporyndar, qyzmet kórsetý salasyndaǵy kompanııalar men bilim berý mekemeleri bar.

Sondaı-aq jármeńke barysynda Joltap baǵdarlamasynyń ókilderi, qalalyq jumyspen qamtý jáne áleýmettik qorǵaý basqarmasy, qarjy uıymdarynyń mamandary kelýshilerge jumysqa ornalasý men qoldaý sharalary týraly keńes beredi.

Bos oryndar jármeńkesi 16 shilde kúni saǵat 15:00-de B.Momyshuly dańǵyly, 5 mekenjaıyndaǵy Ál-Farabı atyndaǵy Oqýshylar saraıynda bastalady.

Buǵan deıin elordalyq shahmatshy álem kýbogynda sensatsııa jasaǵanyn jazǵan edik.