Elordada 2,8 myńnan astam kóppáterli turǵyn úı dezınfektsııalandy

NUR-SULTAN. QazAqparat - Elordada kún saıyn dezınfektsııa jumystary júrgizilip jatyr. Qazirgi tańda 2 800-den astam kóppáterli turǵyn úıge dezınfektsııa júrgizildi, dep habarlaıdy QazAqparat qala ákimdigine silteme jasap.

Qalada 0 myńnan astam kireberis, 1 500-den astam sport jáne balalar alańy, 1 300-den astam avtobýs aıaldamasy jáne t. b. óńdeldi. Kún saıyn óńdeý jumysyna shamamen 500 adam shyǵady. Dezınfektsııa jumysyna qalalyq qyzmetpen birge Qarýly kúshterdiń bıologııalyq qorǵaý bólimsheleri men áskerge shaqyrylǵandar da qatysady.

Búgin koronavırýspen kúresip jatqan medıtsına salasynyń qyzmetkerleri turatyn Dýman qonaq úıiniń aýmaǵynda dezınfektsııa júrgizildi.

«Bizdiń brıgadanyń bólimshesi Nur-Sultan aýmaǵyn dezınfektsııalaýmen aınalysady. Qalany dezınfektsııalaýǵa 300-den astam adam men 30-dan astam arnaıy tehnıka jumyldyryldy. Kún saıyn biz 80-90 nysandy dezınfektsııadan ótkizemiz. Áskerı bólimniń jeke quramy oqytyldy, dezınfektsııa júrgizýge daıyn, barlyq qajetti quraldarmen qamtamasyz etildi, dezınfektsııalyq quraldar qory bar», - dep atap ótti 68/665 sákerı bólimniń Radıatsııalyq hımııa-bıologııalyq qorǵaý qyzmetiniń bastyǵy Dmıtrıı Efımov.

Dezınfektsııalyq eritindimen qalanyń barlyq bazarlary, medıtsınalyq mekemeleri, saýda ortalyqtary, sýpermarketter, ótkizý-baqylaý beketi, oramishilik aýmaqtardyń irgeles aýmaqtary óńdeledi. Sonymen birge kireberister, balalar alańdary jáne t. b. óńdeledi.