Elordada 2,7 myńnan astam kópqabatty úı dezınfektsııalandy
NUR-SULTAN. QazAqparat - Elordada turǵyndardyń qaýipsizdigin qamtamasyz etý maqsatynda ortaq tutynatyn oryndardy kúndelikti tazalaý jumystary júrgizilýde, dep habarlaıdy Nur-Sultan qalasy ákimdiginiń resmı saıty.
Búgingi tańda 2700-den astam kópqabatty úıge dezınfektsııa jasalǵan. Sondaı-aq 2200-den astam lıft kabınalary men 9 myńǵa jýyq kireberis dezınfektsııalanǵan. Dezınfektsııa protsesine kún saıyn jalpy sany 500-ge jýyq adam jáne ondaǵan arnaıy tehnıka jumyldyrylǵan.
Sonymen qatar, dezınfektsııalyq jumystar qalanyń barlyq bazarlarynda, medıtsınalyq mekemelerde, saýda ortalyqtarynda, sýpermarketterde júrgizilýde.
Sondaı-aq, blokposttarda, balalar alańy men úı kireberisterinde, úlken kóshelerdiń eki jaǵynda tazalaý jumysy jasalady.
