Elordada 2-6 jas aralyǵyndaǵy 42 myńǵa jýyq bala balabaqsha kezeginde tur
NUR-SULTAN. QazAqparat - Qalalyq máslıhatta Májıt Shaıdarovtyń tóraǵalyǵymen Nur-Sultan qalasy máslıhatynyń áleýmettik-mádenı damý máseleleri jónindegi turaqty komıssııasynyń otyrysy ótti, dep habarlaıdy QazAqparat tilshisi.
«2016-2020 jyldarǵa arnalǵan elordany damytý baǵdarlamasy Nur-Sultan qalasy máslıhatynyń 2015 jyly 15 jeltoqsan kúni qabyldanǵan 427/61V sheshimmen bekitilgen. Baǵdarlamada bilim jáne densaýlyq saqtaý jáne áleýmettik qorǵaý bloktary boıynsha 14 ındıkator qarastyrylǵan. Bilim salasyna keletin bolsaq, bilim sapasyn baǵalaıtyn PISA testi boıynsha Nur-Sultan qalasynda matematıkadan kórsetkish – 450 ball boldy. Jospar boıynsha 496 ball bolatyn. Ǵylym boıynsha 428 ball boldy, al jospar boıynsha 482 ball bolýy kerek edi. Jalpy respýblıka boıynsha kórsetkishimiz joǵary», - deıdi Nur-Sultan qalasy ekonomıka jáne bıýdjettik josparlaý basqarmasy basshysynyń orynbasary Almat Seıitqulov.
Onyń aıtýynsha, 3-6 jas aralyǵyndaǵy balalar balabaqshamen 100% qamtyldy.
