Elordada 19 jastaǵy kólik júrgizýshisi jaıaý júrginshini qaǵyp, mert qyldy
NUR-SULTAN. QazAqparat – Elordada kólik joldy kesip ótpek bolǵan jaıaý júrginshini qaǵyp mert qyldy. Bul týraly Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.
«16 tamyz kúni saǵat 22:21-de «TOYOTA CAMRY» kóligin tizgindegen 19 jastaǵy júrgizýshi Kenesary kóshesi jaqtan Respýblıka dańǵylymen kele jatyp 51 jastaǵy jaıaý júrginshini qaǵyp ketti. Jaıaý júrginshi belgilenbegen jerden, kólik quraldary qozǵalysy baǵytynda joldy ońnan solǵa qaraı kesip ótpek bolǵan. Jol-kólik oqıǵasy saldarynan alǵan jaraqattan jaıaý júrginshi oqıǵa ornynda mert boldy. Atalǵan fakti boıynsha qylmystyq is-qozǵaldy», - dedi vedomstvodan.
Sonymen qatar Nur-Sultan qalalyq Polıtsııa departamenti qala turǵyndaryn jolda barynsha abaı bolýǵa, jol qozǵalysy erejesin múltiksiz saqtaýǵa shaqyrady.
