Elordada 19 jasar kólik urlaýshy ustaldy
ASTANA. Qazannyń 25-i. QazAqparat /Qanat Qulshymanov/ - Astanada Jol polıtsııasy qyzmetkerleri 19 jasar kólik urlaýshyny qolǵa túsirdi, dep habarlaıdy qalalyq ІІD JPB baspasóz qyzmeti.
Atap aıtar bolsaq, senbi, qazannyń 23-inde saǵat 04.00 kezinde «Ońtústik-Shyǵys» yqshamaýdanynda kezekshilik atqaryp júrgen jol polıtsııasynyń qyzmetkerleri elordanyń 19 jasar esh jerde jumys istemeıtin turǵynynyń basqarýyndaǵy R 786 TMM memlekettik nómirli «MAZDA GEA» avtokóligin toqtatty. Inspektorlar kólikke qujattardy kórsetýdi ótingende, júrgizýshi esh qujattaryn kórsete almady.
Odan keıingi áńgimeden belgili bolǵany, ustalǵan jigit atalmysh kólikti B.Momyshuly dańǵylyndaǵy 6/1 úıiniń aýlasynan túngi saǵat 03.00 kezinde urlap ketipti.
Qazirgi ýaqytta osy fakti boıynsha jedel-tergeý is-sharalary qolǵa alyndy, avtokólik aıyp turaǵyna ornalastyryldy.
Ustalǵan azamat buǵan deıin oq-dárini saqtaǵany úshin sotty bolǵan eken.
